«Ұлттық ақпараттық
технологиялар» АҚ

ҚР негізгі куәландырушы орталығы

Қазақстан Республикасының Негізгі куәландырушы орталығы (бұдан әрі – ҚР НКО) – Қазақстан Республикасының куәландырушы орталықтарының өзара іс-қимылының иерархиялық моделін құруға, электрондық цифрлық қолтаңбаны тексеру, байланыс арналарын қорғау (кілттерді шифрлау) және электрондық транзакцияларды кепілді қорғауды және интернет және басқа да желілер арқылы деректерге қолжетімділікті талап ететін электрондық құжат айналымы, электрондық коммерция, сауда жүйелеріндегі аутентификация үшін пайдаланылатын ашық кілттерге сенім жүйесін құруға арналған ақпараттық жүйе.

Толығырақ

ҚР мемлекеттік органдарының куәландырушы орталығы

Қазақстан Республикасы мемлекеттік органдарының куәландырушы орталығы (бұдан әрі – ҚР МО КО) – Қазақстан Республикасы мемлекеттік органдарының ақпараттық жүйелерінде және өзге де мемлекеттік ақпараттық ресурстарында мемлекеттік органдарға, мемлекеттік органдардың лауазымды адамдарына қызмет көрсететін куәландырушы орталық.

Толығырақ

ҚР сенім білдірілген үшінші тарапы

Қазақстан Республикасының сенім білдірілген үшінші тарапы (бұдан әрі – ҚР СБҮТ) – трансшекаралық өзара іс-қимыл шеңберінде шетелдік электрондық цифрлық қолтаңбаның және Қазақстан Республикасының аумағында берілген электрондық цифрлық қолтаңбаның түпнұсқалығын растауды жүзеге асыратын ақпараттық жүйе. Қазіргі уақытта ҚР СБҮТ мемлекетаралық тестілеуден өтуде.

Толығырақ

Egov mobile мобильді қосымшасы

Электронды үкіметтің мобильді қосымшасы «eGov Mobile» - бұл eGov.kz жаңартылған экожүйесі, ол мобильді құрылғылар арқылы мемлекеттік қызметтер мен сервистерге қолжетімділікті қамтамасыз етеді. eGov Mobile мобильді қосымшасының арқасында азаматтар үйден шықпай-ақ мемлекеттік қызметтер мен сервистерді тез әрі ыңғайлы түрде ала алады, смартфондарында цифрлық үкіметтің барлық мүмкіндіктерін пайдалана алады.

Толығырақ

«Е-нотариат» бірыңғай нотариалдық ақпараттық жүйесі

Бірыңғай нотариалдық ақпараттық жүйе – бұл бағдарламалық-аппараттық комплекс нотариустарды тиімді жұмыспен қамтамасыздандыру және республикалық, территориалды нотариалды палаталармен, Қазақстан Республикасының Әділет министрлігімен өзара әрекетін, сонымен қатар халықты сапалы, құқықтық нотариалдық қызметпен қамтамасыздандыру үшін жасалған.

Толығырақ

Ашық үкімет

«Ашық үкіметтің» мақсаты - ашық және халық алдында есеп беруге міндетті мемлекетті құру, азаматтардың мемлекеттік басқару саласындағы құқықтары мен мүмкіндіктерін кеңейту, жемқорлыққа қарсы күресті күшейту мен жаңа технологияларды мемлекеттік басқару тиімділігін арттыру үшін қолдану болып табылады.

Ашық үкімет мынадай компоненттерден тұрады: ашық деректер, ашық НҚА, ашық диалог, сондай-ақ ашық бюджеттер және мемлекеттік органдар қызметінің тиімділігін бағалау.

Толығырақ

«Электрондық лицензиялау» порталы

Е-лицензиялау мемлекеттік деректер қоры ақпараттық жүйесі лицензиялау процестерін, рұқсат беру құжаттарын автоматтандыру және лицензиар мемлекеттік органдар мен Қазақстан Республикасының бизнес - қоғамдастығы арасындағы ақпараттық өзара іс-қимылдың тиімді, ашық тетігін қамтамасыз ету мақсатында құрылған.

Толығырақ

«Халыққа қызмет көрсету орталықтарының» ықпалдастырылған ақпараттық жүйесі

«Халыққа қызмет көрсету орталықтарының» ықпалдастырылған ақпараттық жүйесі (бұдан әрі – ХҚҚО ЫАЖ) «Азаматтарға арналған үкімет "мемлекеттік корпорациясы» коммерциялық емес акционерлік қоғамымен, сондай-ақ тиісті министрліктер мен ведомстволар арқылы халыққа (жеке және заңды тұлғаларға) қызметтер көрсету процесін автоматтандыруға арналған.

Толығырақ

«Электрондық үкіметтің» төлем шлюзі

«Электрондық үкіметтің» төлем шлюзі (бұдан әрі - ЭҮТШ) «электрондық үкімет» шеңберінде мемлекеттік және мемлекеттік емес Ақпараттық жүйелерді («электрондық үкіметтің» сыртқы шлюзі арқылы) интеграциялауға арналған ақпараттық жүйе.

Толығырақ

«Электрондық үкімет» шлюзі

«Электрондық үкімет» шлюзі - «электрондық үкімет» шеңберінде электрондық мемлекеттік және мемлекеттік емес қызметтерді көрсету үшін жеке және заңды тұлғалардың төлемдерін жүзеге асыру кезінде екінші деңгейдегі банктердің, банк операцияларының жекелеген түрлерін жүзеге асыратын ұйымдардың және «электрондық үкіметтің» ақпараттық жүйелері арасындағы өзара іс-қимылды қамтамасыз ету мақсатында құрылды.

Толығырақ

«Жеке тұлғалар» Мемлекеттік деректер қоры

«Жеке тұлғалар» Мемлекеттік деректер қоры бұл Қазақстан Республикасының жеке тұлғалары туралы ақпаратты тіркеу мен сақтаудың азаматтық халді сәйкестендіру және айқындау үшін жеткілікті бірыңғай жүйесі.

Толығырақ

«Заңды тұлғалар» мемлекеттік деректер қоры

«Заңды тұлғалар» мемлекеттік деректер қоры (бұдан әрі - ЗТ МДҚ) - ақпараттық жүйе бизнес-сәйкестендіру нөмірлерінің ұлттық тізілімін жүргізуге арналған және ҚР Стратегиялық жоспарлау және реформалар агенттігінің және ҚР ҚМ МКК Ұлттық статистика бюросының ведомстволық жүйелерімен өзара іс-қимыл жасай отырып, заңды тұлғаларға, филиалдар мен өкілдіктерге БСН беруді қамтамасыз етеді.

Толығырақ

eOtinish

eOtinish платформасы жеке және заңды тұлғалардың өтініштерін беру және өңдеу процесін автоматтандырады. Ол өтініштердің тарихы мен мәртебесін бақылауға, олардың сапасын бағалауға мүмкіндік береді. Қажет болған жағдайда азаматтар Қазақстан Республикасының тиісті мемлекеттік органдарына шағым бере алады немесе сотқа талап арыз жолдай алады.

Толығырақ

ҚР Мемлекеттік органдары интернет-ресурстарының бірыңғай платформасы

Жергілікті атқарушы органдар мен орталық мемлекеттік органдардың барлық сайттарын бірыңғай және қолайлы құрылымға біріктірген мемлекеттік органдардың интернет-ресурстарының бірыңғай платформасы ақпарат алудың және халықтың олармен өзара іс-қимылының бірыңғай терезесіне айналды. Платформа 3400-ден астам сайттың конструкторы болып табылады, онда әзірлеушінің дағдылары жоқ мемлекеттік органның қызметкері жаңалықты 1 минут ішінде орналастыра алады, тіпті жеке кабинет арқылы 15 минут ішінде сайт жасай алады.

Толығырақ

Smart Bridge

Smart Bridge жобасы - ақпаратпен неғұрлым тиімді алмасуға және жалпы ашықтық пен үйлестіруді жақсартуға ықпал ете отырып, мемлекеттік құрылымдар мен жеке бизнес арасындағы ақпараттық жүйелерді интеграциялау процестерін жеңілдетуге бағытталған «Сервистер витринасы» платформасы түріндегі ақпараттық-коммуникациялық көрсетілетін қызмет.

Толығырақ

Smart Data Ukimet

Smart Data Ukimet - мемлекеттік органдардың ақпараттық жүйелерінде жинақталатын деректерді жинау, сақтау және кешенді талдауға арналған ақпараттық-аналитикалық жүйе.

Толығырақ

Ақпараттық қауіпсіздіктің жедел орталығы

«Ұлттық ақпараттық технологиялар» АҚ Ақпараттық қауіпсіздіктің жедел орталығы – бұл, негізінен, ақпараттық қауіпсіздік жөніндегі талдаушылардан, операторлар мен инженерлерден тұратын кәіби мамандар құрамы, олар тәулік уақытына қарамастан, 24/7 режимінде «электрондық үкімет» пен АҚЖО-ға қосылған мемлекеттік органдардың ақпаратық жүйелері ақпараттық-коммуникациялық инфрақұрылымының ақпараттық қауіпсіздігін қамтамасыз етеді.

Толығырақ

Ұлттық жасанды интеллект платформасы

Ұлттық жасанды интеллект платформасы «Ұлттық ақпараттық технологиялар» АҚ әзірлеп жатқан және Қазақстанның мемлекеттік мекемелеріне генеративті мәтіндік жасанды интеллекттің мүмкіндіктерін пайдалануға қолдау көрсететін орталықтандырылған инфрақұрылым болып табылады.

Ұлттық жасанды интеллект платформасын құрудың басты мақсаттары – жасанды интеллектті дамытуға арналған бірыңғай экожүйе қалыптастыру, деректерді жинау мен талдауды автоматтандыру, сондай-ақ мемлекеттік басқару тиімділігін арттыру. Бұл жоба қызмет көрсету сапасын жақсартып, Қазақстанның жасанды интеллект саласындағы халықаралық беделін күшейтуге бағытталған.

Толығырақ

Өңірлік деректерді өңдеу орталықтары

Өңірлік деректерді өңдеу орталықтары - 2013-2014 жылдары іске қосылды. Сол уақыттан бастап мемлекеттік органдар мен мемлекеттік ұйымдар үшін серверлерді виртуалдандыру және «бұлттық есептеу» технологияларын әзірлеу, салу және енгізу бойынша кезең-кезеңімен жұмыс жүргізілді. Жобаның негізгі мақсаты – мемлекеттік органдар мен ұйымдарға Hosting және Colocation қызметтерін ұсыну.

Толығырақ

Мемлекеттік органдарының бірыңғай көлік ортасы

Мемлекеттік органдарының бірыңғай көлік ортасы - Қазіргі уақытта МО БКО келесі инфрақұрылымға ие:

Астана қ. үлестірілген оптикалық-талшықты желісін қамтитын, сонымен қатар ҚР облыс орталықтары мен Алматы және Шымкент қаларындағы қалалық желілірін МО БКО жерүсті сегменті.

Қалалық желілерді ұйымдастыру Астана қ. ядроның 40Гбит/с және облыстық орталықтарында 10Гбит/с дейін ішкі өткізу қабілетімен әрбір абонентке (мемлекеттік органға) дейін 1Гбит/с жылдамдықпен IP/MPLS технологиясын пайдаланумен жүзеге асырылады.

МО БКО спутниктік сегменті Қазақстан Республикасының бүкіл аумағын қамтиды. Қоғамның қашықтағы терминалдары 512 кбит/с-тен 8 Мбит/с-қа дейінгі кері арна өткізу қабілетін қолдайды. DVB-S2X ACM деректерді жіберуге арналған заманауи спутниктік хабар тарату стандарттарына қолдау көрсетіледі. Спутниктік арналар ағымдағы белсенді лицензиямен шифрлау арқылы қорғалған. Желілік инфрақұрылым қауіпсіз байланысты қамтамасыз етеді.

МО БКО сымсыз сегменті 512 кбит/с-тан 20 Мбит/с дейінгі деректерді беру арнасының өткізу қабілетімен 179 аудан орталығы мен Қазақстан Республикасының облыстық маңызы бар 11 қаласын қамтиды. Байланысты ұйымдастыру схемасы аудан орталықтарына облыстық және республикалық торап бағыты бойынша мәліметтерді жіберуге мүмкіндік береді.

Талшықты-оптикалық байланыс желілері. Қазіргі уақытта Қазақстан Республикасының облыс орталықтары мен Астана, Алматы, Шымкент қалаларында жалпы ұзындығы 958 135 м құрайтын жеке талшықты-оптикалық байланыс желілері ұйымдастырылған.

Толығырақ

Бейнеконференция және онлайн трансляция

Онлайн көрсетілім – нақты уақыт режимінде мемлекеттік органдардың онлайн ресурстарына интернет арқылы аудио, бейне контентті беру қызметі. Үлкен аудиторияларды қамтуға арналған. Біздің компания ҚР жоғары лауазымды тұлғалары мен ҚР орталық мемлекеттік органдары үшін онлайн көрсетілім қызметін ұсынады.Онлайн трансляция қызметі мемлекеттік органдарға интернет ресурстары мен әлеуметтік желілерде ашық отырыстарды жариялау үшін ұсынады. Қызмет 2010 жылдан бастап көрсетіледі.

Толығырақ